Badacz Kaszubów w Kanadzie

Wspomink Dawida Môrcëna Szulësta, przédnika Kaszëbów w Kanadzë. Z czãżczim sercã jô òdebrôł wiadło z mòji Kaszëbsczi tatczëznë. Mój lubòtny krewny z Kaszëb, ks. Władisłôw (Władk) Szulëst (Szulist) ùmarł we czwiôrtk 8 gòdnika w wiekù 86 lat. Ksądz Władk, jak wiele gò nazéwało, béł ùrodzony w môłi kaszëbsczi wsë Gòstómk bliskò wsë Lëpùsz, w chtërnym to na swòji emeriturze òn zamieszkôł. Òn pòmôgôł òdprawiac mszą z kaszëbską lëturgią słowa, czej ò to gò pòprosył ks. Jan Òstrowsczi, probòszcz parafii pw. sw. Michała Archanioła w Lëpùszu, ti sami parafii, w jaczi wiãkszosc naszich pratatków sã mòdlëła niglë òni przëjachelë do Kanadë w XIX wiekù. Mòja familiô Szulëstów i sparłãczoné z nią rodzëznë Stamplëkòwsczich, Nôrlochów, Etmańsczich, Maszków, Glisczińsczich, Werrów a Turzińsczich pòchòdzą ze spòlëznë lëpùsczi parafii.

19.12.2022 20:12